Cambodian Voter's Voice

លោក សម រង្ស៊ី ផ្សាយខិត្តប័ណ្ណ ៧ចំណុច ស្ដីពីការវិលត្រឡប់ទៅកម្ពុជារបស់លោក និងមន្ត្រីខ្លួន

2019-07-04 10:06:00 4659 Views

លោក សម រង្ស៊ី ប្រធានស្ដីទីគណបក្សសង្គ្រោះជាតិ ផ្សាយខិត្តប័ណ្ណ ៧ចំណុច ស្ដីពីផលប្រយោជន៍ នៃការវិលត្រឡប់ទៅកម្ពុជាវិញរបស់លោក និងមន្ត្រីបក្សប្រឆាំង។ លោកផ្សព្វផ្សាយខិត្តប័ណ្ណនេះ នៅលើទំព័រហ្វេសប៊ុករបស់លោក កាលពីថ្ងៃទី១ ខែកក្កដា និងអំពាវនាវសុំឲ្យពលរដ្ឋខ្មែរ ជួយចែកចាយ និងផ្សព្វផ្សាយបន្ត។ ខិត្តប័ណ្ណនោះថា លោក សម រង្ស៊ី នឹងធ្វើមាតុភូមិនិវត្តន៍ ដើម្បីអនុវត្តគោលនយោបាយ ដូចជា ស្ដារលទ្ធិប្រជាធិបតេយ្យ និងការពារសិទ្ធិសេរីភាពរបស់ពលរដ្ឋ រក្សាប្រព័ន្ធអនុគ្រោះពន្ធ EBA ពីសហភាពអឺរ៉ុប ដើម្បីរក្សាឆ្នាំងបាយកម្មករ ប្រគល់សងដីធ្លី និងផ្ទះសម្បែងជូនជនរងគ្រោះ ដែលបានបាត់បង់ទ្រព្យសម្បត្តិ ដោយសារអំពើអយុត្តិធម៌ ពីសំណាក់រដ្ឋ អំណាច និងជនខិលខូច និងដោះស្រាយបញ្ហាបំណុលរបស់ប្រជាពលរដ្ឋក្រីក្រ ដោយរឹបអូសលុយពុករលួយពីថ្នាក់ដឹកនាំប្រទេសសព្វថ្ងៃ ដើម្បីយកមកសងបំណុលជំនួសប្រជាពលរដ្ឋជាដើម។

ប្រភពRFA៖ https://bit.ly/2XlLbth