តុលាការកំពូល កាលពីថ្ងៃទី ២៧ ឧសភា បានសម្រេចប្រគល់នូវអត្តសញ្ញាណប័ណ្ណដល់លោក អ៊ួន ឈិន វិញ ប៉ុន្តែបានបដិសេធក្នុងការប្រគល់នូវលិខិតឆ្លងដែនដល់អតីតអ្នកយកព័ត៌មានរបស់វិទ្យុអាស៊ីសេរី ទាំងពីររូប ដោយសំអាងថា ដើម្បីបង្កាការចាកចេញរបស់អតីតអ្នកយកព័ត៌មានរបស់វិទ្យុអាស៊ីសេរីទាំងពីររូបនេះ ពីប្រទេសកម្ពុជា។ លោក យាង សុធារិន្ទ ឬហៅថា យាង សុជាមត្តា អតីតអ្នកយកព័ត៌មានរបស់វិទ្យុអាស៊ីសេរី បានសម្តែងការខកចិត្តចំពោះតុលាការ ប៉ុន្តែបានអំពាវនាវឲ្យតុលាការពន្លឿននីតិវិធីនៅក្នុងសំណុំរឿងរបស់លោកឲ្យបានឆាប់។ លោកថា សិទ្ធិសេរីភាពរបស់លោកត្រូវបានរួមតូច ដោយសារភាពយឺតយ៉ាវរបស់តុលាការ។
ប្រភព RFI ៖ https://bit.ly/3gB03P8