Cambodian Voter's Voice

សហជីពដាក់លិខិតទៅប្រមុខរដ្ឋាភិបាល ស្នើសុំកិច្ចអន្តរាគមន៍កុំពន្យាការបើកប្រាក់អតីតភាពការងារ

2020-07-14 16:40:00 5189 Views

បន្ទាប់ពីមិនមានការឆ្លើយតបពីក្រសួងការងារជុំវិញការស្នើសុំឲ្យរដ្ឋាភិបាលគិតគូរឡើងវិញនូវការបើកប្រាក់អតីតភាពការងារជូនដល់កម្មករនិយោជិត ក្រុមសហជីពដែលរួមមានជាង១០ស្ថាប័ន នៅព្រឹកថ្ងៃចន្ទនេះ បានបន្តដាក់ញ្ញត្តិទៅខុទ្ទកាល័យលោកនាយករដ្ឋមន្ត្រី ហ៊ុន សែន ដើម្បីស្នើសុំឲ្យមានអន្តរាគមន៍ បើកប្រាក់បំណាច់អតីតភាពការងារ១ឆ្នាំ២ដងដល់កម្មករនិយោជិតដូចដើមវិញ ដោយមិនពន្យាពេល។ អ្នកស្រី យ៉ាង សោភ័ណ្ឌ ប្រធានសម្ព័ន្ធសហជីពកម្ពុជាថ្លែងថា អ្នកស្រីមានសុទិដ្ឋិនិយមច្រើនថានឹងមានការឆ្លើយតបជាវិជ្ជមានពីប្រមុខរដ្ឋាភិបាលកម្ពុជា។ តាមអ្នកស្រី យ៉ាង សោភ័ណ្ឌ សហជីពនឹងបន្តធ្វើយុទ្ធនាការតាមប្រព័ន្ធអនឡាញបន្តទៀត ប្រសិនបើពុំមានដំណោះស្រាយអ្វីទាំងអស់។
ប្រភព RFI ៖https://bit.ly/2CvSjyo