Cambodian Voter's Voice

គណបក្សឆន្ទៈខ្មែរមានគម្រោងស្នើសុំរដ្ឋាភិបាលចុះពិនិត្យស្ថានភាពព្រំដែនខេត្តមួយចំនួន

2020-12-10 17:02:00 5248 Views

គណបក្សឆន្ទៈខ្មែរគ្រោងស្នើសុំរដ្ឋាភិបាលតាមរយៈប្រធានឧត្ដមក្រុមប្រឹក្សាពិគ្រោះ និងផ្តល់យោបល់ចុះពិនិត្យស្ថានភាពព្រំដែន ដែលយោធាវៀតណាមបោះតង់ និងសង់សំណង់រឹងនៅខេត្តមួយចំនួន។ ថ្នាក់ដឹកនាំគណបក្សឆន្ទៈខ្មែរ អំពាវនាវឱ្យយុវជន និងអ្នកនយោបាយទាំងឡាយកុំភ្លេចខ្លួន ចូលរួមតាមដាន និងអង្កេតព្រំដែន ដើម្បីការពារបូរណភាពទឹកដីកម្ពុជា។ប្រធានគណបក្សឆន្ទៈខ្មែរប្រាប់អាស៊ីសេរីនៅថ្ងៃទី៩ ធ្នូថា ប្រតិភូគណបក្សឆន្ទៈខ្មែរនឹងចុះទៅពិនិត្យស្ថានភាពព្រំដែននៅខេត្តកណ្ដាល និងខេត្តតាកែវជាថ្មីទៀត បន្ទាប់ពីជំងឺកូវីដ១៩ បានធូរស្បើយបន្តិច។ ទន្ទឹមនឹងនេះ គណបក្សឆន្ទៈខ្មែរនឹងស្នើសុំលិខិតបេសកកម្មជាផ្លូវការពីរដ្ឋាភិបាល តាមរយៈប្រធានឧត្ដមក្រុមប្រឹក្សាពិគ្រោះ និងផ្តល់យោបល់ ដើម្បីធ្វើកិច្ចការងារនេះឱ្យរលូន។
ប្រភព RFA ៖ https://bit.ly/2LnAfv0