ជាថ្មីម្តងទៀត នៅថ្ងៃអង្គារទី២៦មករានេះ ក្រសួងសុខាភិបាលកម្ពុជា បានចេញមកធ្វើការអំពាវនាវឲ្យមានការពង្រឹងការអនុវត្តការពារការចម្លងជំងឺកូវីដ១៩នៅតាមពិធីបុណ្យ និងជាពិសេសក្នុងការរៀបចំពិធីអាពាហ៍ពិពាហ៍។ ការលើកឡើងរបស់ក្រសួងសុខាភិបាលដូច្នេះ គឺស្របពេលដែលមានការរៀបអាពាហ៍ពិពាហ៍និងពិធីបុណ្យផ្សេងៗមួយចំនួន ត្រូវគេមើលឃើញថា បានរៀបចំឡើងដោយបំពានលើវិធានសុខាភិបាល។