សម្លេងម្ចាស់ឆ្នោត​កម្ពុជា

មន្ត្រី​ជាន់ខ្ពស់​ក្រសួងមហាផ្ទៃ​កម្ពុជា​ ​បាន​ចាត់​ទុក​ការណែនាំ​របស់​ស្ថានទូត​ចិន​នៅ​កម្ពុជា​ទៅកាន់​ពលរដ្ឋ​ចិន​ ឱ្យ​ជៀស​ឆ្ងាយ​ពី​ការ​លេងល្បែងស៊ីសង​ ​គឺជា​រឿង​ធម្មតា​ ​ប្រៀប​បាន​ឱ​ពុក​ម្តាយ​អប់រំ​ណែនាំ​កូន​ដូច្នោះ​ដែរ​។​ ​ការ​លើកឡើង​ដូច្នេះ​ ​គឺ​ក្រោយ​ពី​ ​មាន​ករណី​ឃាតកម្ម​បាញ់​បោះ​ដាក់គ្នា​ ​កាលពី​ពេលថ្មីៗនេះ​ ​នៅ​ខេត្ត​ព្រះ​សី​ហ​នុ ​បណ្តាលឲ្យ​បុរស​ជនជាតិ​ចិន​ម្នាក់​ស្លាប់​នៅ​ក្នុង​រថយន្ត​ ​រួម​នឹង​ករណី​ព្រហ្មទណ្ឌ​មួយ​ចំនួន​ទៀត​។​ ​ជុំវិញ​ការ​លើកឡើង​នេះ​ ​អង្គការសង្គម​ស៊ីវិល​ ​និង​អាជ្ញាធរ​មើលឃើញ​ជ្រុង​២​ផ្សេងគ្នា​។