Cambodian Voter's Voice

លោក គង់ មុនីកា៖ ការចុះទៅពិនិត្យមើលព្រំដែន គួរត្រូវបានបើកទូលាយ

2021-02-01 10:16:00 4632 Views

កាលពីថ្ងៃទី ២៩ មករា គណបក្សឆន្ទៈខ្មែរបានចេញសេចក្តីថ្លែងការណ៍មួយ សំដែងការសោកស្តាយដែលមិនបានធ្វើដំណើរទៅដល់គោលដៅ ក្នុងបេសកម្មផ្ទៀងផ្ទាត់ចំពោះព័ត៌មានថា ភាគីវៀតណាម បានរុះរើតង់ និងសំណង់រឹងនៅតាមបន្ទាត់ព្រំដែន ក្នុងភូមិសាស្ត្រខ្មែរកណ្តាល និងខេត្តតាកែវនាពេលកន្លងមក។ ក៏ប៉ុន្តែដំណើរបេសកម្មនេះ ត្រូវបានរារាំងដោយអាជ្ញាធរមានសមត្ថកិច្ច ក្រោមហេតុផលថា មិនបានជូនដំណឹងដល់អាជ្ញាធរខេត្តជាមុន។ យ៉ាងណាក្តី លោក គង់ មុនីកា ប្រធានគណបក្សឆន្ទៈខ្មែរ បានអំពាវនាវអោយរដ្ឋាភិបាលកម្ពុជាបើកទូលាយចំពោះប្រជាពលរដ្ឋ សិស្ស និស្សិត រួមទាំងអ្នកនយោបាយ បានទៅពិនិត្យមើលព្រំដែនដោយគ្មានការរារាំង និងដោយតម្លាភាព។