កម្ពុជាទទួលបានជំនួយឥតសំណងពីប្រទេសអូស្ត្រាលី ចំនួន៣៥,៧លានដុល្លារអូស្ត្រាលី (ប្រមាណ២៨លានដុល្លារអាមេរិក) សម្រាប់ទិញវ៉ាក់សាំងកូវីដ-១៩(COVID-19)។ ជំនួយឥតសំណងរបស់អូស្ត្រាលីនេះ អាចចូលរួមចំណែកក្នុងការចាក់វ៉ាក់សាំងបង្ការជំងឺកូវីដ-១៩ ដល់ពលរដ្ឋកម្ពុជា បាន ប្រមាណ១,៥លាននាក់។ នេះបើតាមយោងសេចក្តីប្រកាសព័ត៌មានរួមរបស់ក្រសួងសេដ្ឋកិច្ច និងហិរញ្ញវត្ថុ និងស្ថានទូតប្រទេសអូស្ត្រាលីប្រចាំកម្ពុជា នាថ្ងៃទី១កុម្ភៈ។