សម្លេងម្ចាស់ឆ្នោត​កម្ពុជា

គេ ធ្លាប់ឮពាក្យថា អ្នកខ្លះ ចូលបម្រើកងទ័ពយូរឆ្នាំ និងធ្លាប់តស៊ូលើសមរភូមិ តែលទ្ធផល ដែលទទួលបាន គឺពួកគាត់ បែរជាមានជីវភាពលំបាក ខ្វះមុខខ្វះក្រោយ ហើយឋានន្តរសក្តិ ក៏នៅជាប់គាំង ខណៈអ្នកក្រោយ ដែលទើបចូលបម្រើកងទ័ពនិងមិនធ្លាប់ឆ្លងកាត់សមរភូមិ បែរជាត្រូវបានដំឡើងឋានន្តរសក្តិយ៉ាងលឿនទៅវិញ។ ពេលនេះ មានគណៈកម្មការថ្មីមួយ ដែលនឹងស្រាវជ្រាវរកយោធាទាំងនោះ ហើយនឹងសិក្សាពីការដំឡើងឋានន្តរសក្តិនិងប្រាក់ឧបត្ថម្ភដល់ពួកគាត់ ដើម្បីជាការលើកទឹកចិត្ត។ បើពួកគាត់ មិនបានឡើងឋានន្តរសក្តិ យ៉ាងហោចណាស់ ក៏ទទួលបានប្រាក់បៀវត្សរ៍ច្រើនជាងមុនដែរ។