សម្លេងម្ចាស់ឆ្នោត​កម្ពុជា

ចលនាបាតុកម្ម​របស់​ប្រជាជនភូមា ដើម្បីប្រឆាំង​នឹងការធ្វើរដ្ឋប្រហារ បានរីកកាន់តែធំឡើងៗ នៅទូទាំងប្រទេស។ នៅថ្ងៃចន្ទទី​៨កុម្ភៈ ប្រជាជនភូមារាប់ម៉ឺននាក់ បានចុះដើរតាមផ្លូវ នៅតាមទីក្រុងធំៗ ទាមទារឲ្យ​កងទ័ព ​ដោះលែងលោកស្រីអ៊ុងសាន ស៊ូជី និងអ្នកទោសនយោបាយឯទៀត។ ខណៈដែល​ចលនាបាតុកម្មរបស់ប្រជាជន កាន់តែផុសផុលឡើង ទូរទស្សន៍រដ្ឋភូមា បានផ្សាយ​សារគំរាមថា អាជ្ញាធរនឹងចាត់វិធានការ ដើម្បី​រក្សាសណ្តាប់​ធ្នាប់ និងស្ថិរភាព​សង្គមឡើងវិញ។