អ្នករត់រ៉ឺម៉កម៉ូតូកង់បី និងអាជីវករមួយចំនួន ត្អូញត្អែរថា ពួកគាត់ចាប់ផ្ដើមពិបាករកប្រាក់ចំណូលផ្គង់ផ្គងជីវភាពកាន់តែខ្លាំងម្តងទៀត ក្រោយមានការផ្ទុះជំងឺកូវីដ-១៩ ក្នុងសហគមន៍ជាលើកទី៣ ដែលលោកនាយករដ្ឋមន្ត្រី ហ៊ុន សែន ដាក់ឈ្មោះថា ព្រឹត្តិការណ៍២០ កុម្ភៈ ។ មន្ត្រីសង្គមស៊ីវិល យល់ថា រដ្ឋាភិបាល គួរតែបញ្ចេញកញ្ចប់ថវិកាជួយដោះស្រាយទុក្ខលំបាករបស់ពលរដ្ឋដែលរងគ្រោះក្នុងគ្រានេះ។