នៅក្នុងសន្និសីទកាសែត ក្រោយពេលចាក់វ៉ាក់សាំង Astra Zeneca ជាលើកដំបូងនៅមន្ទីរពេទ្យកាល់ម៉ែត នាព្រឹកថ្ងៃព្រហស្បតិ៍នេះ លោកនាយករដ្ឋមន្ត្រី ហ៊ុន សែន បានប្រកាសជាថ្មីថា លោកនឹងឈរឈ្មោះជាបេក្ខជននាយករដ្ឋមន្ត្រីបន្តទៀត នៅក្នុងការបោះឆ្នោតសកលឆ្នាំ២០២៣ខាងមុខនេះ។ ការប្រកាសរបស់លោក ហ៊ុន សែន ដូច្នេះ ធ្វើឡើងក្រោយពីមានការរិះគន់ពីក្រុមប្រឆាំង ទាក់ទងទៅនឹងការផ្តល់ជំនួយរបស់កម្ពុជាទៅដល់ប្រទេសមួយចំនួននៅក្នុងតំបន់ និងការព្យាបាលជនបរទេសពីជំងឺកូវីដ១៩ ដោយមិនយកប្រាក់។