Cambodian Voter's Voice

កម្ពុជាមានអ្នកជាប់ឃុំច្រើនជាងទណ្ឌិតនិងខ្ពស់ជាងប្រទេសជិតខាង បើទោះជាពន្ធនាគារខ្វះខាតធនធាន

2021-03-09 15:15:00 4667 Views

ជាង ៧០ ភាគរយនៃអ្នកជាប់ពន្ធនាគារជិត ៤០.០០០ នាក់ នៅកម្ពុជា គឺជាអ្នកដែលរង់ចាំសាលក្រមស្ថាពរ និងជាប់ឃុំបណ្តោះអាសន្ន ប៉ុន្តែត្រូវជាប់នៅក្នុងទីដែលខ្វះអនាម័យ និងណែនចង្អៀតដូចអ្នកទោសនានាដែរ។ នេះបើតាមការបង្ហាញរបស់អង្គការសិទ្ធិមនុស្ស និងទិន្នន័យពន្ធនាគារ។
ចំនួនអ្នកជាប់ពន្ធនាគាររង់ចាំការកាត់ទោស និងរង់ចាំសាលក្រមស្ថាពរក្នុងប្រទេសកម្ពុជា មានចំនួនខ្ពស់ខ្លាំង បើប្រៀបនឹងប្រទេសជិតខាង។ ប្រទេសវៀតណាម មានតែចំនួន ១២% ប្រទេសថៃ មាន ១៧% និងឥណ្ឌូនេស៊ី មាន ១៩%។ នេះបើតាមអង្គការ World Prison Brief ដែលតាមដានលើទិន្នន័យអ្នកជាប់ពន្ធគារនៅទូទាំងពិភពលោក។