កសិករដាំបន្លែបង្ការនៅស្រុកឯកភ្នំ ខេត្តបាត់ដំបងជាច្រើនគ្រួសារកំពុងជួបបញ្ហាជីវភាពខ្វះខាត ដោយសារតែតម្លៃកសិផលឆ្នាំនេះចុះថោកធ្វើឱ្យពួកគាត់លក់មិនបានប្រាក់ចំណេញដោះស្រាយជីវភាពគ្រួសារ។ ស្ថានភាពបែបនេះបណ្ដាលឱ្យកសិករខ្លះត្រៀមលក់គោនិងដីកេរ្តិ៍ពីដូនតា ដើម្បីយកប្រាក់សងធនាគារ ដែលបានខ្ចីគេធ្វើដើមដាំដុះកន្លងមក។ មន្ត្រីសង្គមស៊ីវិលយល់ថា បញ្ហានេះ រដ្ឋាភិបាលគួរតែរកវិធីដោះស្រាយជូនដល់កសិករជាបន្ទាន់ ដើម្បីកុំឱ្យពួកគាត់មានជីវភាពដុនដាបកាន់តែខ្លាំង។
ប្រភព RFA ៖ https://bit.ly/3rav6FC