សម្លេងម្ចាស់ឆ្នោត​កម្ពុជា

លោក​សម រង្ស៊ី ប្រធាន​គណបក្ស​សង្គ្រោះ​ជាតិ បាន​សរសេរ​នៅលើ​បណ្ដាញ​សង្គម​ហ្វ៊េ​សប៊ុក​របស់​លោក​នា​ថ្ងៃ​ទី​៤ សីហា នេះ​ ដោយ​បង្ហាញ​នូវ​ លក្ខណៈ​សម្គាល់​សេដ្ឋកិច្ច​រីកចម្រើន មាន​ដូចតទៅ ៖

១- ប្រាក់បៀវត្ស មានកម្រិតខ្ពស់ ហើយប្រជាពលរដ្ឋសម្បូរការងារធ្វើ។
២- ពន្ធដារ មានកម្រិតខ្ពស់សមរម្យ (ពី ៤០% ទៅ ៥០% នៃ ផលិតផលក្នុងស្រុកសរុប) ហើយការគ្រប់គ្រងថវិកាជាតិក៏មានប្រសិទ្ធិភាពខ្ពស់។
៣- ហេដ្ឋារចនាសម្ព័ន្ធ និងសេវាសាធារណៈ មានកម្រិតនិងគុណភាពខ្ពស់។
៤- សង្គមកិច្ច និង ប្រព័ន្ធសេវាជួយអ្នកក្រ មានកម្រិតនិងគុណភាពខ្ពស់។

នៅប្រទេសកម្ពុជាសព្វថ្ងៃ លក្ខណៈសម្គាល់ទាំង ៤ ខាងលើ មានកម្រិតទាប ឬអន់ថយទាំងអស់។ ពន្ធដារ មានកម្រិតត្រឹមតែ ប្រមាណ ២០% នៃ ផលិតផលក្នុងស្រុកសរុប ហើយការគ្រប់គ្រងថវិកាជាតិមានបញ្ហា ដោយសារអំពើពុករលួយ។ ដូច្នេះអ្នកដឹកនាំ ប្រទេស មានតែរំពឹងលើជំនួយពីបរទេស និងការខ្ចីបុលពីគេ ព្រមទាំងការធ្វើអាជីវកម្មលើទ្រព្យសម្បត្តិធម្មជាតិ។