Cambodian Voter's Voice

តុលាការបង្គាប់ឲ្យចាប់ខ្លួនលោក សម រង្ស៊ី ករណីចោទប្រកាន់សមគំនិតក្លែងបន្លំឯកសារ

2016-01-06 08:40:00 4917 Views

តុលាការរាជធានីភ្នំពេញបានចេញដីកា មួយបង្គាប់ឲ្យកងកម្លាំងសាធារណៈស្រាវជ្រាវរកចាប់ខ្លួនប្រធានគណបក្ស សង្រ្គោះជាតិ លោក សម រង្ស៊ី ដែលកំពុងនិរទេសខ្លួននៅក្រៅប្រទេស ពាក់ព័ន្ធនឹងការចោទប្រកាន់សមគំនិតក្លែងបន្លំឯកសារ ក្នុងសំណុំរឿងរបស់អតីតសមាជិកព្រឹទ្ធសភាមកពីគណបក្សសម រង្ស៊ី លោក ហុង សុខហួរ។ដីកាបង្គាប់ឲ្យចាប់ខ្លួន ចុះថ្ងៃទី៩ខែធ្នូ ឆ្នាំ២០១៥ ចេញដោយលោក កោ វណ្ឌី ចៅក្រមស៊ើបសួរសាលាដំបូងរាជធានីភ្នំពេញឲ្យដឹងថាលោក សម រង្ស៊ី ត្រូវចោទពីបទសមគំនិតក្នុងអំពើក្លែងបន្លំឯកសារសាធារណៈ ប្រើប្រាស់ឯកសារសាធារណៈក្លែងនិងញុះញង់បង្កឲ្យមានភាពវឹកវរ ធ្ងន់ធ្ងរដល់សន្តិសុខសង្គម។