Cambodian Voter's Voice

លោក ទេព នីថា ត្រូវសម្រាំងជាបេក្ខជន១នាក់ក្នុងចំណោម៣នាក់សម្រាប់តំណែងអគ្គលេខាធិការគ.ជ.ប

2016-01-06 14:30:00 4913 Views

លោក ទេព នីថា ដែលកំពុងបម្រើការជាអគ្គលេខាធិការរបស់គណៈ កម្មាធិការជាតិរៀបចំការបោះឆ្នោត(គ.ជ.ប) ត្រូវបានសម្រាំងឲ្យស្ថិតនៅជាបេក្ខជន១នាក់ក្នុងចំណោមបេក្ខជន៣នាក់ សម្រាប់មុខតំណែងអគ្គលេខាធិការ។បើតាមសេចក្តីជូនដំណឹងរបស់គ.ជ.ប ចេញផ្សាយនៅថ្ងៃពុធនេះ បេក្ខជនសម្រាប់តំណែងអគ្គលេខាធិការរួមមានលោក ហេង មណីចិន្តា អនុបណ្ឌិតរដ្ឋបាលសាធារណៈនិងជាប្រធានអង្គការពុទ្ធសាសនាដើម្បីអភិវឌ្ឍន៍ លោក ទេព នីថា អនុបណ្ឌិតវិទ្យាសាស្រ្តនយោបាយនិងបច្ចុប្បន្នជាអគ្គលេខាធិការគ.ជ.ប និងលោក យ៉ា ណាវុធ អនុបណ្ឌិតនីតិសាស្រ្ត និងជានាយកអង្គការខារ៉ាមកម្ពុជា។ ចំណែកបេក្ខជនសម្រាប់តំណែងអគ្គលេខាធិការរង មាន១២នាក់ រួមមានលោក ម៉ៅ សុភារិទ្ធ លោក សំ សុគង់ លោក គឹម ឈន លោក សោម សូរីដា លោក ម៉ុក ដារ៉ា លោក នី ចរិយា លោក តាន់ ប៊ុនវីរៈ លោក ណេ ហ្សូនី លោក សុកលៈ ទីប៉ោ លោក រស់ សូ លោក យ៉ត ប៊ុននី និងលោកស្រី លឹម ច័ន្ទលីដា ។