Cambodian Voter's Voice

លោក ហ៊ុន សែន ប្ដូរចិត្តមិនឲ្យមានច្បាប់កំណត់សញ្ជាតិតែមួយសម្រាប់ប្រធានគណបក្ស

2016-01-08 09:22:00 4835 Views

លោកនាយករដ្ឋមន្ត្រី ហ៊ុន សែន ដែលជាប្រធានគណបក្សប្រជាជនកម្ពុជាផងនោះ បានប្រកាសប្ដូរជំហរថានឹងមិនបង្កើតឲ្យមានច្បាប់កំណត់សញ្ជាតិតែមួយ សម្រាប់ប្រធានគណបក្សនោះទេ ដោយលោកអះអាងថា ដើម្បីបើកឱកាសឲ្យមានការចូលរួមពីអ្នកដែលមានសញ្ជាតិច្រើន។ការប្រកាសប្តូរចិត្តបែបនេះធ្វើឡើងតែប្រហែលមួយសប្តាហ៍ប៉ុណ្ណោះ ក្រោយពីលោកប្រកាសឲ្យធ្វើវិសោធនកម្មច្បាប់ស្តីពីគណបក្សនយោបាយ ដោយកំណត់ប្រធានគណបក្សឲ្យមានសញ្ជាតិតែមួយ។នៅក្នុងពិធីរំឭកខួបទី៣៧ថ្ងៃ៧មករានៅថ្ងៃនេះ លោក ហ៊ុន សែន មានប្រសាសន៍ថា ក្រោយពីមានការត្រិះរិះពិចារណាក្នុងចំណោមថ្នាក់ដឹកនាំគណបក្សប្រជាជន កម្ពុជា លោកក៏សម្រេចស្វាគមន៍អ្នកដែលមានសញ្ជាតិច្រើនឲ្យចូលរួមប្រកួត ប្រជែងក្នុងការបោះឆ្នោត ដែលលោកថា ចង់បានដៃគូរដែលមានទម្ងន់ធ្ងន់ដូចគ្នា។