Cambodian Voter's Voice

៣ខែនេះ រដ្ឋសភាសម្រេចបានលទ្ធផល៧ចំណុច

2016-07-01 11:00:00 4793 Views

រដ្ឋសភាបានអនុម័តចប់សព្វគ្រប់លើសេចក្តីព្រាងច្បាប់ រួមទាំងបញ្ហាផ្សេងៗ បានចំនួន៧ចំណុច ក្នុងសម័យប្រជុំពេញអង្គលើកទី៦ នីតិកាលទី៥។ លទ្ធផល ដែលរដ្ឋសភា សម្រេចបានក្នុងរយៈពេល៣ខែនេះ គឺ១. ការអនុម័តសេចក្តីព្រាងច្បាប់ចំនួន៧ ដែលស្នើឡើងដោយរាជរដ្ឋាភិបាល។ ២. ការបោះឆ្នោតផ្តល់សេចក្តីទុកចិត្តលើសមាសភាពសមាជិករាជរដ្ឋាភិបាល ដែលត្រូវបានកែសម្រួល និងបំពេញបន្ថែមចំនួន២៦រូប។
៣. ការបោះឆ្នោតជ្រើសតាំងលោក សំ ព្រហ្មនា អតីតរដ្ឋលេខាធិការក្រសួងទេសចរណ៍ ជាសមាជិកក្រុមប្រឹក្សាធម្មនុញ្ញ សម្រាប់នីតិកាលទី៧។ ៤. ការបោះឆ្នោតជ្រើសតាំងលោក ខៀវ មុត អតីតរដ្ឋលេខាធិការក្រសួងបរិស្ថាន ជាសមាជិកព្រឹទ្ធសភានីតិកាលទី៣។ ៥. ការអនុម័តឲ្យក្រសួងមានសមត្ថកិច្ចបន្តនីតិវិធីចោទប្រកាន់ ចាប់ខ្លួន ឃាត់ខ្លួន និងឃុំខ្លួនលោក អ៊ុំ សំអាន តំណាងរាស្ត្រគណបក្សសង្គ្រោះជាតិ។ ៦. ការអនុម័តឲ្យសមត្ថកិច្ចបន្តចាត់ការតាមនីតិវិធី លើករណីឯកឧត្តម កឹម សុខា អនុប្រធានគណបក្សសង្គ្រោះជាតិ។ ៧. ការឆ្លើយបំភ្លឺដោយផ្ទាល់មាត់របស់លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ ជូនរដ្ឋសភា។ប្រភពថ្មីៗ

http://www.thmeythmey.com/?page=detail&ctype=article&id=41634&lg=kh&