សម្លេងម្ចាស់ឆ្នោត​កម្ពុជា

ភ្នំពេញ ៖ មន្ត្រីជាន់ខ្ពស់គណបក្ស សង្គ្រោះជាតិ (CNRP) លោក គីម សួរភីរិទ្ធ បានសម្ដែងការអបអរសាទរ ចំពោះការសម្រេច របស់គណកម្មាធិការជាតិ រៀបចំការ ចុះឈ្មោះបោះឆ្នោត (គ.ជ.ប) ដែលបន្ថែមថ្ងៃ នៃការចុះឈ្មោះបោះឆ្នោត រយៈពេល ១ថ្ងៃទៀត គឺថ្ងៃទី៣០ វិច្ឆិកា ស្អែកនេះ ប៉ុន្តែលោកថា បើបានបន្ថែមរយៈ ពេល ៣ថ្ងៃ រឹតតែល្អ ។ យោងតាមសេចក្ដីប្រកាសព័ត៌មាន របស់ គណៈកម្មាធិការជាតិ រៀបចំការបោះឆ្នោត (គ.ជ.ប) នៅថ្ងៃទី២៩ វិច្ឆិកានេះបានឲ្យដឹងថា   គ.ជ.ប សម្រេចបន្ថែមថ្ងៃ ចុះឈ្មោះបោះឆ្នោតរយៈពេល ១ថ្ងៃទៀត គឺនៅថ្ងៃពុធ ទី៣០ ខែវិច្ឆិកា ឆ្នាំ២០១៦  ។ លោក គីម សួរភីរិទ្ធ បានថ្លែងប្រាប់មជ្ឈមណ្ឌលព័ត៌មាន ដើមអម្ពិលថា ទោះបី គ.ជ.ប មិនបានដាក់ចំនួន ថ្ងៃបន្ថែម ដូចការស្នើសុំរបស់គណបក្ស លោកក៏ដោយ ក៏គ.ជ.ប បានបន្ថែម មួយថ្ងៃដែរ ។ប្រភពមជ្ឈមណ្ឌលព័ត៌មាន ដើមអម្ពិល