Cambodian Voter's Voice

លោក សុខ ឥសាន៖ គណបក្សសង្គ្រោះជាតិ បានស្រកគីឡូមួយចំនួនធំហើយ

2017-04-04 15:20:00 5689 Views

- - - - - - - - - - - - - - - - -

ភ្នំពេញ ៖ អ្នកនាំពាក្យគណបក្សប្រជាជនកម្ពុជា លោក សុខ ឥសាន បានអះអាងថា ឆ្លងកាត់ការបោះឆ្នោតកាលពីឆ្នាំ២០១៣ បានបង្ហាញថា សំឡេងគណបក្សទាំងពីរ ដែលមានអាសនៈក្នុងរដ្ឋសភាមានលក្ខណៈប្រហាក់ប្រហែលគ្នា បើនិយាយជាកីឡាប្រដាល់វិញ គឺមានគីឡូ ប្រហាក់ប្រហែលគ្នា តែមកដល់ពេលនេះគណបក្សសង្គ្រោះជាតិ បានស្រកគីឡូមួយចំនួនធំហើយ។

លោក សុខ ឥសាន បានលើកឡើងយ៉ាងនេះថា តាមលទ្ធផលបោះឆ្នោតកាលពីឆ្នាំ២០១៣ បានបង្ហាញថា សំឡេងគណបក្សទាំងពីរ ដែលមានអាសនៈក្នុងរដ្ឋសភាមានលក្ខណៈប្រហាក់ប្រហែលគ្នា បើនិយាយជាកីឡាប្រដាល់វិញ គឺមានគីឡូប្រហាក់ប្រហែលគ្នា។ ក៏ប៉ុន្តែក្នុងរយៈពេលជិត៥ឆ្នាំមកហើយ ពីឆ្នាំ២០១៣ដល់ឆ្នាំ២០១៧នេះ សភាពការណ៏មានការប្រែប្រួលយ៉ាងជាក់ស្តែង ដោយសារក្បាលមួយក្នងចំណោមក្បាលពីរនៃពស់សង្គ្រោះជាតិបានបែកខ្ទេច ហើយកម្លាំងនយោបាយមួយចំនួនធំបានងាកចេញពីការគាំទ្រគណបក្សសង្គ្រោះជាតិ។ “ដូច្នេះគណបក្សសាង្គ្រោះជាតិ បានស្រកគីឡូមួយចំនួនធំហើយ មិនបានរក្សាទម្ងន់នៅដដែលដូចកាលពីជិត៥ ឆ្នាំមុននោះទេ។ បញ្ហានេះ ការពិតជាបានបញ្ជាក់យ៉ាងច្បាស់មិនអាចប្រកែកបានជាដាច់ខាត ហើយគ្មានអ្នកណាខាំស្លឹកត្រចៀកយើងទេ គឺយើងខាំស្លឹកត្រចៀកខ្លួនឯង”។

- - - - - - - - - - - - - - - - -

ប្រភព៖ https://goo.gl/TKDTPg

ថ្ងៃ អង្គារ, ៤ មេសា ២០១៧