សម្លេងម្ចាស់ឆ្នោត​កម្ពុជា

អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា សូមសម្តែង នូវការខកចិត្ត ចំពោះសេចក្តីថ្លែងការណ៍របស់ប្រតិភូសហភាពអឺរ៉ុបប្រចាំកម្ពុជា ចេញផ្សាយកាលពីថ្ងៃទី៤ ខែឧសភា ឆ្នាំ២០១៧ ដែលបាននិយាយយោង​ ជាពិសេសដល់ការសម្រេចរបស់តុលាកាកម្ពុជាក្នុងការពន្យារយៈពេលឃុំឃាំង ជនត្រូវចោទ ដែលនេះជាកិច្ចការផ្ទៃក្នុងទាំងស្រុងរបស់កម្ពុជា។  បើតាមសេចក្តីជូនព័ត៌មានរបស់អ្នកនាំពាក្យក្រសួងកសរបរទេស បានឲ្យដឹងថា​ សេចក្តីថ្លែងការណ៍ខាងលើនេះ ជាការរំលោភបំពានយ៉ាងច្បាស់លើអនុសញ្ញាទីក្រុងវីយ៉ែនស្តី​ពី​ទំនាក់​ទំនងការទូត មាត្រា​៤១ (១) ដែលចែងថា រាល់បេសកកម្មការទូតទាំងអស់មានកាតព្វកិច្ចគោរពច្បាប់ និងបទបញ្ជានានារបស់រដ្ឋដែលខ្លួនតាំងនៅ ហើយពួកគេមានកាតព្វកិច្ចមិនលូកដៃជ្រៀតជ្រែកកិច្ចការ​ផ្ទៃក្នុង​របស់រដ្ឋ​នោះឡើយ។  

- - - - - - - - - - - - - - - -

https://goo.gl/Cyy0q3