គណបក្សប្រជាជនកម្ពុជា បានចេញសេចក្តីណែនាំ ស្តីពីកិច្ចការ ជាអាទិភាពមួយចំនួនចំពោះមុខ ក្រោយពីមានលទ្ធផលបឋម នៃការបោះឆ្នោតជ្រើសរើស ក្រុមប្រឹក្សាឃុំ  សង្កាត់អាណត្តិទី៤ កាលពីថ្ងៃទី០៤ ខែមិថុនា។យោងតាមសេចក្តីណែនាំ របស់គណបក្សប្រជាជនកម្ពុជា ចុះថ្ងៃទី០៧ មិថុនាបានឲ្យដឹងថា គណៈអចិន្រ្តៃយ៍នៃ  គណៈកម្មាធិការកណ្តាល វាយតម្លៃជារួមថា លទ្ធផលបឋម គឺជោគជ័យដ៏ធំធេង របស់គណបក្សប្រជាជនកម្ពុជា សម្រាប់ការបោះឆ្នោតឆ្នាំ២០០៧នេះ ដែលស្តែងតាមរយៈ ចំណុចមួយចំនួនគឺ គណបក្សប្រជាជនកម្ពុជា នៅតែបន្តគ្រប់គ្រងតំណែងមេឃុំ ចៅសង្កាត់ ចំនួនជាង ១១៥០ ស្មើនឹងជាង៧០%ឬជាង ២/៣ នៃឃុំ សង្កាត់សរុបទូទាំងប្រទេស ចំនួន១៦៤៦ឃុំ សង្កាត់ ចំណែកឯគណបក្សដទៃ ទទួលបានតំណែងមេឃុំ ចៅសង្កាត់ប្រមាណត្រឹម ៣០% ឬក្រោម ១/៣ ប៉ុណ្ណោះនៃតំណែងមេឃុំ ចៅសង្កាត់ទូទាំងប្រទេស។

 ប្រភព៖សារព័ត៌មានដើមអម្ពិល

https://goo.gl/Cs4jWc