Cambodian Voter's Voice

លោក កឹម សុខា ជឿថា សំឡេងគាំទ្របក្សខ្លួនមិនធ្លាក់ចុះ ទោះមានបញ្ហាអ្វីក៏ដោយ

2017-06-16 10:05:00 5442 Views

ក្រោយបោះឆ្នោតថ្នាក់ឃុំ-សង្កាត់រួច លោក កឹម សុខា ចុះតាមបណ្តាខេត្តនានា ដែលបានបោះឆ្នោតឲ្យគណបក្សសង្គ្រោះជាតិ។ ពីវេទិកាមួយ ទៅវេទិកាមួយ ប្រធានគណបក្សសង្គ្រោះជាតិរូបនេះ ស្រែកប្រាប់អ្នកគាំទ្រខ្លួនថា សំឡេងគាំទ្របក្សនឹងមិនធ្លាក់ឡើយ ទោះមានបញ្ហាអ្វីក៏ដោយ។នៅចំពោះមុខអ្នកគាំទ្រជាច្រើនរយនាក់ ក្នុងខេត្តបាត់ដំបង នារសៀល ថ្ងៃទី១៥ ខែមិថុនា ឆ្នាំ២០១៧នេះ លោក កឹម សុខា បានលើកឡើងថា សំឡេងឆ្នោត ដែលគណបក្សសង្គ្រោះជាតិ ទទួលបាន សម្រាប់ការបោះឆ្នោតថ្នាក់ឃុំ-សង្កាត់ នាអាណត្តិទី៤នេះ មានការកើនឡើងយ៉ាងខ្លាំង ប្រសិនបើប្រៀបធៀបនឹងការបោះឆ្នោត ក្នុងអាណត្តិមុនៗ។ លោក កឹម សុខា បន្ថែមថា សំឡេងគាំទ្ររបស់គណបក្សសង្គ្រោះជាតិ មិនងាយធ្លាក់ចុះឡើយ។

ប្រភព៖សារព័ត៌មានថ្មីៗ

https://goo.gl/XbJhtq