សម្លេងម្ចាស់ឆ្នោត​កម្ពុជា

ចៅសង្កាត់ជាប់ឆ្នោតថ្មីវ័យក្មេងមកពីគណបក្សសង្រ្គោះជាតិ ដែលណ្ដើមបានតំណែងជាចៅសង្កាត់ស្ថិតនៅក្នុងសង្កាត់
សាលាកំរើក ក្រុងសៀមរាប ខេត្តសៀមរាប រហូតមកទល់នឹងពេលនេះនៅពុំទាន់មានកន្លែងអង្គុយធ្វើការនៅឡើយទេ ។លោក ជិន សុខងេង ដែលជាចៅសង្កាត់ជាប់ឆ្នោតថ្មី ដណ្ដើមបានមកពីគណបក្សកាន់អំណាច នៅក្នុងសង្កាត់នេះ និង
ដែលទើប នឹងត្រូវបានប្រកាសចូលកាន់តំណែងជាផ្លូវការនោះ រហូតមកទល់នឹងពេលនេះ បន្ទប់ធ្វើការសម្រាប់ចៅសង្កាត់គឺពុំទាន់ត្រូវបាន អនុញ្ញាតឱ្យរូបលោកអាចចូលធ្វើការបានត្រឹមត្រូវ និងពេញលេញក្នុងនាមជាចៅសង្កាត់ នៅក្នុងសង្កាត់នេះនៅឡើយទេ ដោយ ហេតុថា អតីតចៅសង្កាត់មកពីគណបក្សប្រជាជនកម្ពុជា មិនព្រមផ្ដល់កន្លែងធ្វើការអោយ ។លោក ជិន សុខងេង ប្រាប់ឱ្យដឹងបែបនេះ ៖ « តាំងពីការប្រកាសចូលកាន់តំណែង រហូតមកដល់ព្រឹកថ្ងៃច័ន្ទនេះ ខ្ញុំចៅសង្កាត់ថ្មីសាលាកំរើក មិនទាន់មានបន្ទប់ធ្វើការសម្រាប់បម្រើសេវាជូនពលរដ្ឋនៅឡើយទេ ក៏ព្រោះតែបន្ទប់អតីតចៅ
សង្កាត់ធ្លាក់ឆ្នោត ត្រូវបានចាក់សោរ មិនឲ្យចៅសង្កាត់ថ្មីចូលធ្វើការងារ » ។

ប្រភព៖VIM