Cambodian Voter's Voice

លោក សម រង្ស៊ី៖ ខ្ញុំមានកិត្តិយសណាស់ ដែលលោក ហ៊ុន សែន គិតគូរដល់ខ្ញុំឥតឈប់ឈរ

2017-07-13 10:45:00 5443 Views

អតីតមេដឹកនាំបក្សប្រឆាំង លោក សម រង្ស៊ី បានផ្ញើសារបែបឌឺដងថាជា «កិត្តិយសណាស់ ដែលលោក ហ៊ុន សែន គិតគូរឥតឈប់ឈរ» បើទោះជាលោកថា មានការព្យាយាមសម្លាប់លោកទាំងផ្នែករាងកាយនិងជីវិតនយោបាយ តាមរយៈប្រព័ន្ធតុលាការនិងស្ថាប័នរដ្ឋសភា រយៈពេល២០ឆ្នាំមកនេះក៏ដោយ។កាលពីថ្ងៃចន្ទម្សិលមិញ តំណាងរាស្ត្ររបស់គណបក្សប្រជាជន ដែលមានសំឡេងភាគច្រើនក្នុងសភា បានអនុម័ត ច្បាប់គណបក្សនយោបាយ ដែលលោក ហ៊ុន សែន ស្នើឲ្យធ្វើវិសោធនកម្មជាលើកទី២ ដែលច្បាប់នេះ អ្នកតាមដានថា នឹងផាត់លោក សម រង្ស៊ី ចេញពីឆាកនយោបាយ។លោក សម រង្ស៊ី បានសរសេរលើហ្វេសប៊ុក របស់លោកនាថ្ងៃទី១០ ខែកក្កដា លើកឡើងថា «២០ឆ្នាំកន្លងទៅនេះ លោកថាលោក ហ៊ុន សែន បានប៉ុនប៉ងតាមសម្លាប់លោកឥតឈប់ឈរ ទាំងរាងកាយ ទាំងជីវិតនយោបាយ»។