Cambodian Voter's Voice

ព្រឹកនេះ សាលាឧទ្ធរណ៍សវនាការរឿងក្ដី អតីតសមាជិកព្រឹទ្ធសភា គណបក្សសម រង្ស៊ី ដែលចោទប្រកាន់ លោកនាយករដ្ឋមន្ត្រី ថា ជាអ្នកសម្លាប់ លោកបណ្ឌិត កែម ឡី

2017-08-10 09:55:00 5327 Views

សាលាឧទ្ធរណ៍ នៅព្រឹកថ្ងៃទី១០ ខែសីហា នេះ នឹងបើកសវនាការរឿងក្ដី លោកស្រី ថាក់ ឡានី អតីតសមាជិកព្រឹទ្ធសភា គណបក្សសម រង្ស៊ី ពាក់ព័ន្ធ បទល្មើសបរិហារកេរ្តិ៍ ចោទប្រកាន់លោកនាយករដ្ឋមន្ត្រីថា ជាអ្នកសម្លាប់លោកបណ្ឌិត កែម ឡី។លោក ទូច ថារិទ្ធិ អគ្គលេខាធិការរង និងជាអ្នកនាំពាក្យ សាលាឧទ្ធរណ៍ ថ្លែងថា សវនាការនេះដឹកនាំដោយលោក ប្លង់ សំណាង អនុប្រធានសាលាឧទ្ធរណ៍ វេលាម៉ោង៨ព្រឹក ថ្ងៃទី១០ ខែសីហា។គួររំលឹកថា សាលាដំបូងរាជធានីភ្នំពេញ កាលពីរសៀលថ្ងៃទី១៧ ខែវិច្ឆិកា ឆ្នាំ២០១៦ ប្រកាសសាលក្រមផ្តន្ទាទោស លោកស្រី ថាក់ ឡានី ដាក់ពន្ធនាគាររយៈពេល១ឆ្នាំនិងពិន័យ៨លានរៀល ព្រមទាំងសងសំណងជំងឺចិត្ត ដល់លោកនាយករដ្ឋមន្ត្រី ចំនួន១០០រៀល។

ប្រភព៖សារព័ត៌មានដើមអម្ពិល

https://goo.gl/Lq4bJB