Cambodian Voter's Voice

បក្សកាន់អំណាចបដិសេធរឿងឲ្យអាជ្ញាធរសួរពលរដ្ឋបោះឆ្នោតឲ្យបក្សណានៅឃុំឃ្សឹម

2017-08-16 10:30:00 5348 Views

អ្នកនាំពាក្យគណបក្សប្រជាជនកម្ពុជា លោក សុខ ឥសាន ច្រានចោលការលើកឡើងរបស់ពលរដ្ឋនៅឃុំឃ្សឹម ស្រុកស្នួល ខេត្តក្រចេះ ថាគណបក្សប្រជាជនកម្ពុជា ពុំបានបង្គាប់ឲ្យអាជ្ញាធរមូលដ្ឋានដើរសួរនាំពលរដ្ឋបោះឆ្នោតឲ្យគណបក្សណា កាលពីពេលបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៤ នោះទេ។ ទោះជាយ៉ាងណា សមាជិក និងមេភូមិ ថាពួកគេធ្វើតាមបញ្ជារបស់ថ្នាក់លើ ក្នុងការដើរសួរពលរដ្ឋបោះឆ្នោតឲ្យបក្សណានេះ។អ្នកនាំពាក្យគណបក្សប្រជាជនកម្ពុជា ឲ្យដឹងនៅថ្ងៃទី១៥ សីហា ថា គណបក្សប្រជាជនកម្ពុជា ពុំបានអនុវត្តគោលការណ៍ផ្ទុយពីក្របខ័ណ្ឌច្បាប់ទេ ហើយសិទ្ធិសម្រេចបោះឆ្នោតឲ្យគណបក្សណាមួយរបស់ពលរដ្ឋ ជាការសម្ងាត់។ លោកបញ្ជាក់ថា គណបក្សប្រជាជនកម្ពុជា ពុំមានគោលនយោបាយតម្រូវឲ្យសួរដេញដោលពលរដ្ឋថាបោះឆ្នោតឲ្យគណបក្សណាមួយទេ។

ប្រភព៖RFA

https://goo.gl/yzUBVT