លោក កឹម សុខាប្រធានគណបក្សសង្គ្រោះជាតិ បានអះអាង ថាគណ បក្សសង្គ្រោះជាតិ បានត្រៀមខ្លួនរួចជាស្រេចហើយ ក្នុងការចូលរួមបោះឆ្នោតជ្រើសតំាងអ្នកតំណាងរាស្ត្រ ឆ្នាំ២០១៨ និងបន្តអំពាវនាវដល់ពលរដ្ឋគ្រប់អាយុ ទៅចុះឈ្មោះបោះឆ្នោតឲ្យបានគ្រប់ៗគ្នា ។តាមរយៈវីអីឃ្លីបប្រមាណជិត២នាទី ដែលបង្ហោះលើបណ្តាញសង្គមហ្វេសប៊ុកនៅថ្ងៃទី២៨ សីហា ឆ្នាំ២០១៧នេះ លោកកឹម សុខា បានលើកឡើងថាគណបក្សសង្គ្រោះជាតិ បានត្រៀមខ្លួនរួចជា ស្រេចរួចហើយ ដើម្បីធ្វើដំណើរទៅបោះឆ្នោត។លោកបញ្ជាក់ថា« គណបក្សសង្គ្រោះ ជាតិយល់ឃើញថាមាន តែការបោះឆ្នោតដោយសេរី ត្រឹមត្រូវ និង យុត្តិធម៌នោះទេ ដែលឆ្លុះបញ្ចាំងពីឆន្ទៈរបស់ពលរដ្ឋនេះហើយ ដែលនាំឲ្យកម្ពុជាមានសន្តិភាព មានការ​អភិវឌ្ឍន៍ពិត និងមានយុត្តិធម៌សម្រាប់អ្នកទំាងអស់គ្នា។លោក បន្ថែមថា ក្នុងនាមគណបក្សសង្គ្រោះជាតិ និងក្នុងនាមលោកផ្ទាល់សូមអំពាវនាវដល់ពល រដ្ឋខ្មែរដែលមានសិទ្ធិបោះឆ្នោត អញ្ជើញនិងនិមន្តទៅចុះឈ្មោះបោះឆ្នោត ឲ្យបានគ្រប់គ្នា ដែល គណៈ កម្មការជាតិរៀបចំការបោះឆ្នោតបានកំណត់ រយៈពេល៧០ថ្ងៃ ដែលគិតចាប់ពីថ្ងៃ ១ខែកញ្ញា រហូតដល់ ថ្ងៃទី៩ខែវិច្ឆិកាឆ្នាំ២០១៧ ។

ប្រភព៖សារព័ត៌មានដើមអម្ពិល

https://goo.gl/ZhBQHY