Cambodian Voter's Voice

ប្រមុខរដ្ឋស្តីទីនិងនាយករដ្ឋមន្រ្តីខ្មែរ តែងតាំងទីប្រឹក្សាអមក្រសួងការងារជាង១០០នាក់នៅក្នុងខែសីហានេះ

2017-08-31 15:16:00 5331 Views

នៅក្នុងខែសីហា ឆ្នាំ២០១៧នេះ រដ្ឋាភិបាលកម្ពុជា បានសម្រេចតែងតាំង និងផ្តល់ឋានៈជាទីប្រឹក្សាអមក្រសួងការងារ និងបណ្តុះបណ្តាលវិជ្ជាជីវៈចំនួនជាង១០០នាក់។ ការតែងតាំង និងផ្តល់ឋានៈនេះ ធ្វើឡើងតាមរយៈព្រះរាជក្រឹត្យដែលចុះហត្ថលេខាដោយលោកសាយ ឈុំ ក្នុងតួនាទីជាប្រមុខរដ្ឋស្តីទី និងដោយអនុក្រឹត្យដោយចុះហត្ថលេខាដោយលោកនាយករដ្ឋមន្រ្តីហ៊ុន សែន។លោកសាយ ឈុំ ប្រធានព្រឹទ្ធសភា និងក្នុងនាមជាប្រមុខរដ្ឋស្តីទីរបស់កម្ពុជា បានសម្រេចតែងតែង និងផ្តល់ឋានៈដល់មន្ត្រីចំនួន២៣នាក់ ឲ្យធ្វើជាទីប្រឹក្សាអមក្រសួងការងារ។ តាមរយៈព្រះរាជក្រឹត្យចុះថ្ងៃទី២៣ ខែសីហា ឆ្នាំ២០១៧ មន្រ្តីទាំង២៣នាក់នេះ ត្រូវបានតែងតាំងមានឋានៈស្មើអនុរដ្ឋលេខាធិការចំនួន២នាក់ និងមានឋានៈស្មើអគ្គនាយកចំនួន២១នាក់។ បើតាមព្រះរាជក្រឹត្យដដែល លោកប្រមុខរដ្ឋស្តីទី បានបញ្ជាឲ្យលោកនាយករដ្ឋមន្រ្តីហ៊ុន សែន ត្រូវអនុវត្តព្រះរាជក្រឹត្យនេះចាប់ពីថ្ងៃទី២៣ ខែសីហាតទៅ។

ប្រភព៖RFI

https://goo.gl/KuDa9Z