មន្រ្តីបក្សកាន់អំណាច៖ការដាក់កាមេរ៉ាសុវត្ថិភាពនៅក្នុងបន្ទប់ឃុំខ្លួនប្រធានគណបក្សសង្គ្រោះជាតិ លោក កឹម សុខា គឺ ដើម្បីការពារអាយុជីវិតលោក កឹម សុខា
2017-09-18 09:20:00 5645 Views
មន្ត្រីបក្សកាន់អំណាចគាំទ្រឲ្យខាងពន្ធនាគារបន្តដាក់កាមេរ៉ាសុវត្ថិភាពក្នុងបន្ទប់ឃុំខ្លួនលោក កឹម សុខា ដោយសម្អាងថា ដើម្បីការពារអាយុជីវិតគាត់។ ប៉ុន្តែអ្នកច្បាប់យល់ថា ការអនុវត្តបែបនេះ វាផ្ទុយនឹងច្បាប់ និងប៉ះពាល់យ៉ាងធ្ងន់ដល់សិទ្ធិឯកជនរបស់លោក កឹម សុខា។មន្ត្រីជាន់ខ្ពស់ និងជាអ្នកនាំពាក្យគណបក្សប្រជាជនកម្ពុជា លោក សុខ ឥសាន ថ្លែងសារការពារជំនួសតុលាការថា ការដាក់កាមេរ៉ាសុវត្ថិភាពនៅក្នុងបន្ទប់ឃុំខ្លួនប្រធានគណបក្សសង្គ្រោះជាតិ លោក កឹម សុខា គឺជាការត្រឹមត្រូវ ដើម្បីការពារអាយុជីវិតលោក កឹម សុខា។ សារដែលត្រូវបានចុះផ្សាយបន្តដោយកាសែតក្នុងស្រុកដែលស្និទ្ធនឹងរដ្ឋាភិបាល កាលពីថ្ងៃអាទិត្យ ទី១៧ កញ្ញា លោក សុខ ឥសាន ហៅលោក កឹម សុខា ថា ជាតួឯកក្នុងការអនុវត្តឧបាយកលដាក់ចេញដោយមហាយក្ស។លោកបន្តថា ដូច្នេះលោក កឹម សុខា ផុយស្រួយណាស់ បើសិនជាមហាយក្សចង់បំបាត់ដានឧបាយកលរបស់ខ្លួនដោយសារលោក កឹម សុខា បានក្លាយជាក្រូចអស់ទឹកហើយ មិនចាំបាច់ទុកសំបកជាសាក្សីបានប្រយោជន៍អីទៀតទេ។
ប្រភព៖RFA
ផែនទីលទ្ធផលបោះឆ្នោត
ភាពមិនប្រក្រតីនៃការបោះឆ្នោតឆ្នាំ២០១៣
ស្តាប់ការផ្សាយវិទ្យុសម្លេងសង្គមស៊ីវិល តាមប្រព័ន្ធអ៊ិនធើណែត
7:30AM-8:30AMAsk the Candidate
COMFREL FACEBOOK PAGE
ប្រភពព័ត៌មានបោះឆ្នោតផ្សេងៗ
| Power by: |
|