សម្លេងម្ចាស់ឆ្នោត​កម្ពុជា

 អ្នកនំាពាក្យរដ្ឋសភាលោក ឡេង ប៉េងឡុង បានឲ្យដឹងថា ការជ្រើសរើស សមាជិកគណៈកម្មាធិការជាតិ រៀបចំការបោះឆ្នោត (គ.ជ.ប)ថ្មី ក្រោយពីសមាជិកភាព មកពីកូតាអតីតគណបក្សសង្រ្គោះជាតិ ដាក់ពាក្យលាឈប់ នឹងធ្វើឡើងក្នុងពេលឆាប់ៗខាងមុខ ហើយគ្មានបេក្ខភាព មកពីគណបក្សប្រជាជនកម្ពុជា នោះទេ (CPP)។លោក ឡេង ប៉េងឡុង បានថ្លែងនៅថ្ងៃទី២១ ខែវិច្ឆិកា ឆ្នាំ២០១៧ថា រដ្ឋសភាបានទទួលលិខិត របស់សមាជិកគ.ជ.ប ចំនួន៣រូប សុំលាលែងពីសមាជិករួចហើយពេលនេះ រដ្ឋសភាកំពុងតែធ្វើការតាមនីតិវិធីច្បាប់ ដើម្បីជ្រើសរើសបេក្ខភាពថ្មីមកជំនួស។លោកបញ្ជាក់ថា “យើងធ្វើតាមច្បាប់ គឺគណៈអចិន្ត្រៃយ៍រដ្ឋសភា នឹងរៀបចំកិច្ចប្រជុំ ដើម្បីដាក់ជូនសភាអនុម័ត។ ពេលនេះយើងកំពុងរៀបចំ ព្រោះយើងទើបបានទទួល ពីម្សិលមិញ (ថ្ងៃ២០ វិច្ឆិកា )។

ប្រភព៖សារព័ត៌មានដើមអម្ពិល

https://goo.gl/iLTVto