សម្លេងម្ចាស់ឆ្នោត​កម្ពុជា

 អ្នកនាំពាក្យគណបក្សប្រជាជនកម្ពុជា (CPP) លោក សុខ ឥសាន បានឲ្យដឹងថា ក្នុងពេលដែលរដ្ឋសភាបែង ចែកអាសនៈ របស់បក្សនៅទំនេរ ទៅឲ្យគណបក្សនានារួចហើយ នឹងដំណើរការនីតិវិធីរៀបចំគណៈកម្មាធិការជាតិរៀបចំការបោះឆ្នោត(គ.ជ.ប) ឡើងវិញ តាមគោលការណ៍នៃច្បាប់ ស្ដីពីការរៀបចំ និងការប្រព្រឹត្តទៅរបស់គ.ជ.ប។ការអះអាងរបស់លោកថា រៀបចំគ.ជ.បឡើងវិញ បន្ទាប់ពីសមាជិករបស់គ.ជ.ប ៣រូបកូតាអតីតគណបក្សសង្រ្គោះជាតិ (CNRP)  បានដាក់ពាក្យលាឈប់ ក្រោយពីបក្សខ្លួនត្រូវបានរំលាយចោល ដោយអំណាចតុលាការកំពូល។លោក សុខ ឥសាន បានថ្លែងក្រោយបញ្ចប់កិច្ចពិភាក្សាតុមូលស្ដីពី ដំណើរការប្រជាធិបតេយ្យនៅកម្ពុជា នារាជបណ្ឌិត្យសភា ក្រោយអវត្តមាន គណបក្សសង្គ្រោះជាតិ នៅរាជបណ្ឌិត្យសភា ថ្ងៃទី២១ ខែវិច្ឆិកា ឆ្នាំ២០១៧ថា “ក្រោយពេលដែលបែងចែកអាសនៈ ទៅគណបក្សនានារួចហើយ បានដំណើរការនីតិវិធី គ.ជ.ប ឡើងវិញតាមគោលការណ៍ច្បាប់ ស្ដីពី ការរៀបចំរៀបចំ និងការប្រព្រឹត្តទៅរបស់គ.ជ.ប”។

ប្រភព៖សារព័ត៌មានដើមអម្ពិល

https://goo.gl/Rj73Gp