សម្លេងម្ចាស់ឆ្នោត​កម្ពុជា

លោក ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មានប្រសាសន៍ប្រាប់ក្រុមអ្នកកាសែត នៅសភាជាតិ នៅព្រឹកថ្ងៃទី២៧ ខែវិច្ឆិកា ឆ្នាំ២០១៧នេះថា ជាធម្មតា មជ្ឈមណ្ឌលសិទ្ធិមនុស្សកម្ពុជា (CCHR) ឬក៏អង្គការណាក៏ដោយ ក្រសួងមហាផ្ទៃ មានភារកិច្ចដើម្បីគ្រប់គ្រង ប៉ុន្តែការគ្រប់គ្រង គឺគ្រប់គ្រងតាមច្បាប់ មិនមែនគ្រប់គ្រងតាមបទបញ្ជាទេ។ លោក ស ខេង បញ្ជាក់ថា មិនមែនតែមជ្ឈមណ្ឌល សិទ្ធិមនុស្សកម្ពុជាទេ អង្គការដទៃទៀតក៏ដូចគ្នាដែរ។ សម្តេចបញ្ជាក់ទៀតថា ការគ្រប់គ្រងអង្គការ សមាគមមិនមែនរដ្ឋាភិបាល គឺគ្រប់គ្រងតាមលក្ខន្តិកៈ ដែលបានកម្កល់នៅក្រសួងមហាផ្ទៃ ដូច្នេះមិនអាចជម្រាបបានថា អង្គការនេះ អង្គការនោះបានទេ។ លោក ស ខេង បានថ្លែងថា “ខ្ញុំមិនអាចជម្រាបបានទេ ពីព្រោះយើងត្រូវតែមានហេតុផលច្បាស់លាស់ មិនអាចធ្វើអ្វីមួយ ដោយគ្មានហេតុផលបានទេ”។

ប្រភព៖សារព័ត៌មានដើមអម្ពិល

https://goo.gl/Ctjhwc