Cambodian Voter's Voice

ក្រសួងមហាផ្ទៃ កំពុងតែសិក្សា និងស្រាវជ្រាវលើករណីមជ្ឈមណ្ឌលសិទ្ធិមនុស្សកម្ពុជា តាមបញ្ជារបស់លោក ហ៊ុន សែន

2017-11-30 09:20:00 5162 Views

ក្រសួងមហាផ្ទៃ កំពុងតែសិក្សា និងស្រាវជ្រាវលើករណីមជ្ឈមណ្ឌលសិទ្ធិមនុស្សកម្ពុជា តាមបញ្ជារបស់លោក ហ៊ុន សែន។ សង្គមស៊ីវិលជាតិ និងអន្តរជាតិ យល់ថា ចំណាត់ ការនេះធ្វើឡើងតាមអំពើចិត្តគ្មានមូលដ្ឋានច្បាប់ឡើយ។បើទោះបីជាមានការរិះគន់ធ្ងន់ៗពីអង្គការជាតិ និងអន្តរជាតិយ៉ាងណាក៏ដោយ ក៏រដ្ឋាភិបាលលោក ហ៊ុន សែន មិនទម្លាក់ចោលការប៉ុនប៉ងបិទមជ្ឈមណ្ឌលសិទ្ធិមនុស្សកម្ពុជា (CCHR) នោះដែរ។អគ្គនាយករងនៃអគ្គនាយកដ្ឋានរដ្ឋបាលក្រសួងមហាផ្ទៃ លោក ឈឹម កាន បានបញ្ជាក់ប្រាប់ប្រព័ន្ធឃោសនារបស់លោកនាយករដ្ឋមន្ត្រី ហ៊ុន សែន នៅព្រឹកថ្ងៃទី២៩ ខែវិច្ឆិកា ថា មន្ត្រីជំនាញក្រសួងមហាផ្ទៃ កំពុងឈ្មុសឈ្មុលធ្វើការសិក្សា និងស្រាវជ្រាវលើករណីពាក់ព័ន្ធនឹងមជ្ឈមណ្ឌលសិទ្ធិមនុស្សកម្ពុជា។ ទោះយ៉ាងណាក្តី លោក ឈឹម កាន បញ្ជាក់ថា នៅពេលនេះ ក្រសួងមហាផ្ទៃ មិនទាន់សម្រេចថាយ៉ាងម៉េចនៅឡើយទេ ដោយរង់ចាំមើលការសិក្សាស្រាវជ្រាវសិន។

ប្រភព៖RFA

https://goo.gl/DxVyhM