សម្លេងម្ចាស់ឆ្នោត​កម្ពុជា

បន្ទាប់ពីសមាជិករដ្ឋសភាអាមេរិក លោក ដេណា រ៉ូរ៉ាបាកគើ  បានអំពាវនាវពលរដ្ឋខ្មែរ រៀបចំគម្រោងដើម្បីលោក ហ៊ុន សែន នាយករដ្ឋមន្ត្រីកម្ពុជាចុះចេញពីតំណែងនោះ អ្នកនាំពាក្យគណបក្សប្រជាជនកម្ពុជា ដែលជាបក្សកាន់អំណាច (CPP) លោក សុខ ឥសាន បានឆ្លើយតបថា ការអំពាវនាវនេះ ជាការរំលោភឆន្ទៈប្រជាជនកម្ពុជា យ៉ាងច្បាស់ក្រឡែត ហើយក៏ជា ការដើរផ្ទុយពីលទ្ធិប្រជាធិបតេយ្យ ផងដែរ ។ការប្រតិកម្មតបទៅកាន់សមាជិករដ្ឋសភាអាមេរិក របស់លោក សុខ ឥសាន ធ្វើឡើងបន្ទាប់ពីវិទ្យុអាស៊ីសេរី បានចុះផ្សាយនៅថ្ងៃទី១៤ ខែធ្នូ ឆ្នាំ២០១៧ថា “តំណាងរាស្ត្រសហរដ្ឋអាមេរិក ផ្ដល់អនុសាសន៍ដល់ពលរដ្ឋខ្មែរ ឲ្យត្រៀមខ្លួនរៀបចំជណ្ដើរមួយ សម្រាប់ឲ្យលោកហ៊ុន សែន ចុះចេញពីអំណាចដោយសម្រួល ដោយគ្មានអំពើហិង្សា គ្មានការបង្ហូរឈាម និងគ្មានការផ្ដន្ទាទោស” ។

ប្រភព៖សារព័ត៌មានដើមអម្ពិល

https://goo.gl/ahQMvU