Cambodian Voter's Voice

ស្ថានបេសកកម្មកម្ពុជាប្រចាំនៅអង្គការសហប្រជាជាតិ បានបង្ហាញការតវ៉ាប្រឆាំងនឹងអាមេរិក និងសហភាពអឺរ៉ុប

2017-12-19 15:35:00 5224 Views

ស្ថានបេសកកម្មកម្ពុជាប្រចាំនៅអង្គការសហប្រជាជាតិ បានបង្ហាញការតវ៉ាប្រឆាំងនឹងអាមេរិក និងសហភាពអឺរ៉ុប កាលពីថ្ងៃម្សិលមិញនេះ ដោយចោទថា បានជ្រៀតជ្រែកកិច្ចការផ្ទៃក្នុងកម្ពុជា ខណៈដែលពួកគេគ្រោងរៀបចំវេទិកាមួយដែលនឹងជជែកអំពីបញ្ហាលទ្ធិប្រជាធិបតេយ្យនៅកម្ពុជា។ស្ថានបេសកម្មអាមេរិក និងសហភាពអឺរ៉ុប គ្រោងរៀបចំវេទិកា «ការធ្លាក់ចុះនៃលទ្ធិប្រជាធិបតេយ្យនៅកម្ពុជា»នៅយប់ថ្ងៃទី១៩ ខែធ្នូនេះ ដោយមានការផ្ដល់សក្ខីកម្មពី កញ្ញា កឹម មនោវិទ្យា កូនស្រីលោក កឹម សុខា ស្ថាបនិកនៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ លោក ប៉ា ងួនទៀង និងនាយកផ្នែកតស៊ូមតិប្រចាំអង្គការឃ្លាំមើលសិទ្ធិមនុស្សអន្តរជាតិនៅតំបន់អាស៊ី លោក John Sifton។យោងតាមសេចក្ដីថ្លែងការណ៍ចេញផ្សាយកាលពីថ្ងៃម្សិលមិញនេះ ស្ថានបេសកកម្មអចិន្ត្រៃយ៍កម្ពុជាប្រចាំនៅអង្គការសហប្រជាជាតិ បានហៅវេទិកានោះថា ត្រូវរៀបចំធ្វើឡើងក្រោមហេតុផលនយោបាយ និងមានចេតនាបំភាន់សាធារណៈមតិអន្តរជាតិ។

ប្រភព៖VOD

https://goo.gl/c2iJyb