Cambodian Voter's Voice

លោកនាយករដ្ឋមន្ត្រីហ៊ុន សែន បានប្រកាសឲ្យ អតីតមន្ត្រីគណបក្សសង្គ្រោះជាតិ កំពុងភៀសខ្លួនទៅបរទេសអាចចូលស្រុកវិញបាន

2017-12-21 10:05:00 5224 Views

លោកនាយករដ្ឋមន្ត្រីហ៊ុន សែន បានប្រកាសឲ្យ អតីតមន្ត្រីគណបក្សសង្គ្រោះជាតិ កំពុងភៀសខ្លួនទៅបរទេសអាចចូលស្រុកវិញបាន ដោយមិនត្រូវចាប់ដាក់គុកឡើយ ប៉ុន្តែពួកគេយល់ថា ការវិលមកវិញ លុះត្រាណាតែដោះលែងលោកកឹម សុខា និងឲ្យពួកគេ ១១៨ នាក់ធ្វើនយោបាយវិញ។ការប្រកាសបែបនេះធ្វើឡើងក្នុងពិធីសំណេះសំណាល ជាមួយតំណាងកម្មករ កម្មការិនី សរុបជាង ១៦,០០០ នាក់ មកពីរោងចក្រចំនួន ១៤ នៅតំបន់ ទួលពង្រ ខណ្ឌពោធិ៍សែនជ័យ រាជធានីភ្នំពេញនៅថ្ងៃពុធនេះ។លោក ហ៊ុន សែន ថ្លែងថា៖«អ្នកខ្លះចេញទៅត្រឹមបាងកកគេថា ‘អើយអញនៅស្រុកខ្មែរស៊ីស្រួលណាស់ ឥឡូវអញទៅនៅណោះ អញពិបាកណាស់ ចេញទៅណាក៏លុយ ទៅនៅស្រុកគេវាមិនស្រួលទេ អញមកវិញហើយ’ អាចមកវិញបាន។ …អ្នកឯងចង់មកវិញ អាណាហាមឃាត់»។

ប្រភព៖ភ្នំពេញប៉ុស្ដិ៍

https://goo.gl/CrBDLQ