Cambodian Voter's Voice

ប្រទេសជប៉ុនសម្ដែងការព្រួយបារម្ភ អំពីការរម្លាយបក្សប្រឆាំង និងស្ថានភាពនយោបាយបច្ចុប្បន្ននៅកម្ពុជា

2017-12-27 09:50:00 5225 Views

ប្រទេសជប៉ុនសម្ដែងការព្រួយបារម្ភ អំពីការរម្លាយបក្សប្រឆាំង និងស្ថានភាពនយោបាយបច្ចុប្បន្ននៅកម្ពុជា។ តាមរយៈបទសម្ភាសន៍មួយ ជាមួយវិទ្យុសំឡេងសហរដ្ឋអាមេរិក កាលពីពេលថ្មីៗនេះ ឯកអគ្គរាជទូតជប៉ុនប្រចាំនៅកម្ពុជាលោក ហូរីណូអ៊ូជី ហ៊ីដេហ៊ីសា (Horinouchi Hidehisa) បញ្ជាក់ថា ប្រទេសជប៉ុន ព្រួយបារម្ភដោយសារគណបក្សសង្គ្រោះជាតិ ដែលបានរម្លាយនោះ ជាគណបក្សប្រឆាំងមួយ ដែលទទួលបានការគាំទ្រយ៉ាងច្រើន ពីពលរដ្ឋខ្មែរម្ចាស់ឆ្នោត កាលពីបោះឆ្នោតនាពេលកន្លងមក។ លោកឯកអគ្គរាជទូតជប៉ុនរូបនេះ បន្តថា រដ្ឋាភិបាលជប៉ុន បានសម្ដែងការព្រួយបារម្ភនេះ ដោយផ្ទាល់តាមរយៈជំនួបរវាងមន្ត្រីជាន់ខ្ពស់ក្រសួងការបរទេសជប៉ុន ជាមួយរដ្ឋមន្ត្រីការបរទេសកម្ពុជា កាលពីខែតុលា កន្លងទៅ។ រដ្ឋាភិបាលជប៉ុនជំរុញឲ្យអ្នកនយោបាយខ្មែរ ប្រឹងប្រែងរកដំណោះស្រាយ ក្នុងរង្វង់ខ្មែរគ្នាឯង និងជំរុញឲ្យរដ្ឋាភិបាលកម្ពុជា ធ្វើយ៉ាងណាបង្កបរិយាកាស ឲ្យការបោះឆ្នោតជាតិខាងមុខ មានភាពសមស្របមួយ ដើម្បីអាចឲ្យពលរដ្ឋខ្មែរ អាចបញ្ចេញឆន្ទៈពិតប្រាកដរបស់ពួកគាត់បាន។

ប្រភព៖RFA

https://goo.gl/YA2WsM