Cambodian Voter's Voice

លោកនាយករដ្ឋមន្ត្រី ហ៊ុន សែន អះអាងថាលោកគ្មានមហិច្ឆតាធ្វើជានាយករដ្ឋមន្ត្រីទេ

2018-01-15 15:20:00 5379 Views

ថ្លែងនៅក្នុងពិធីសំណេះសំណាលជាមួយអ្នកសេដ្ឋកិច្ចក្រៅប្រព័ន្ធ រួមមានអ្នករត់ម៉ូតូឌុប ម៉ូតូកង់បី និងអ្នករត់តាក់ស៊ីជិត ៥ ពាន់នាក់នៅមជ្ឈមណ្ឌលពិព័រណ៍ និងសន្និបាតកោះពេជ្រក្នុងរាជធានីភ្នំពេញកាលពីម្សិលមិញលោកនាយករដ្ឋមន្ត្រី ហ៊ុន សែន អះអាងថាលោកគ្មានមហិច្ឆតាធ្វើជានាយករដ្ឋមន្ត្រីទេ។លោកថ្លែងថា៖ «ការកាន់តំណែងនៅក្នុងមុខតំណែងមួយដែលមនុស្សជាច្រើនចង់ដណ្ដើមយកនៅទីកន្លែងនេះ អ្នកដែលមិនចង់បែរជាបានធ្វើបានក្លាយខ្លួនជានាយករដ្ឋមន្ត្រី ខ្ញុំគ្មានមហិច្ឆតាធ្វើនាយករដ្ឋមន្ត្រីទេ ហើយអ្នកដែលចង់ដកខ្លួនសម្រាកក៏នៅមិនទាន់មានលទ្ធភាពដើម្បីនឹងសម្រាក ក៏ព្រោះតែបញ្ហាប្រទេសជាតិរបស់យើង វាតម្រូវយ៉ាងដូច្នេះ»។លោកក៏មិនភ្លេចអរគុណដល់មន្ត្រីរបស់លោកដែលបានគាំទ្រលោកជានាយករដ្ឋមន្ត្រីក្នុងឆ្នាំ ១៩៨៥ នាសម័យសាធារណរដ្ឋប្រជាមានិតកម្ពុជាដែលគេជឿថាត្រូវបានលើកបន្តុបដោយវៀតណាមដែលត្រួតត្រាប្រទេសកម្ពុជាក្រោយការផ្តួលរំលំរបបប្រល័យពូជសាសន៍ ប៉ុល ពត។

ប្រភព៖ភ្នំពេញប៉ុស្ដិ៍

https://goo.gl/xGt6Qp