សម្លេងម្ចាស់ឆ្នោត​កម្ពុជា

ការចចារដើម្បីបញ្ចប់វិវាទការងារក្រុមហ៊ុនណាហ្គាវើលដ៍ គិតមកដល់ពេលនេះនៅតែមិនទាន់មានដំណោះស្រាយ។ កញ្ញា ឈឹម ស៊ីថរ សហជីពតំណាងកម្មករ បានបញ្ជាក់ប្រាប់វិទ្យុបារាំងអន្តរជាតិនៅថ្ងៃចន្ទនេះថា ការចចារប៉ុន្មានដងកន្លងមកនោះ ភាគីក្រុមហ៊ុនមិនមានឆន្ទៈសម្បទានឲ្យកម្មករចូលធ្វើការវិញនោះទេ។ ផ្ទុយទៅវិញចេតនាតែមួយគត់ គឺបញ្ឈប់សហជីព។ ចំពោះមុខបញ្ហា ក្រុមកម្មករក៏បានប្រមូលផ្តុំគ្នាធ្វើកូដកម្មជាហូរហែ ក៏ប៉ុន្តែសកម្មភាពទាំងនោះ ក៏ត្រូវបានអាជ្ញាធររារាំងជាបន្តបន្ទាប់។ សម្រាប់កញ្ញា ឈឹម ស៊ីថរ ក្រុមអ្នកតវ៉ានឹងបន្តធ្វើកូដកម្មរហូតទាល់មានដំណោះស្រាយ បើទោះបីជាអាជ្ញាធររារាំងយ៉ាងណាក៏ដោយ។
ប្រភព RFI៖ https://bit.ly/3JRinlt
Join Telegram : https://t.me/COMFREL