Cambodian Voter's Voice

លោក សម រង្សី អំពាវនាវឲ្យអ្នកចូលរួមបាតុកម្មអហិង្សា ឲ្យបាន២លាននាក់

2014-02-27 11:15:00 5171 Views

ប្រធានគណបក្សសង្គ្រោះជាតិ លោក សម រង្ស៊ី ប្រកាសឲ្យអ្នកគាំទ្រគណបក្សមួយនេះ ចូលរួមធ្វើបាតុកម្មទ្រង់ទ្រាយធំ ដើម្បីផ្លាស់ប្តូរថ្នាក់ដឹកនាំ តាមរយៈការបោះឆ្នោតឡើងវិញ ខណៈលោក ចុះសំណេះសំណាលជាមួយពលរដ្ឋ នៅឃុំត្រើយស្លា ស្រុកស្អាង ខេត្តកណ្តាល កាលពីថ្ងៃពុធម្សិលមិញ។

យោងតាមគេហទំព័រវីអូឌីដែលបានដកស្រង់ពី វីឌីអូ Clip លើបណ្តាញសង្គម ហ្វេសប៊ុករបស់ លោក សម រង្ស៊ី ដែលបានថ្លែងថា បាតុកម្មនឹងកើតមានឡើងវិញ នាពេលឆាប់ៗ ខាងមុខនេះ ប៉ុន្តែលោកមិនបានបញ្ជាក់ថា ធ្វើបាតុកម្មនៅថ្ងៃណាច្បាស់នោះទេ។ យ៉ាងណាក៏ដោយលោក អំពាវនាវឲ្យអ្នកគាំទ្រគណបក្សសង្គ្រោះជាតិ និងអ្នកមិនទាន់បានគាំទ្រ ចូលរួមបាតុកម្មអហិង្សា ជាមួយបក្សប្រឆាំងមួយនេះ ឲ្យបាន២លាននាក់ ។

ទោះជាយ៉ាង លោក កឹម សុខា អនុប្រធានគណបក្សសង្គ្រោះជាតិ បញ្ជាក់ថា បាតុកម្មគឺធ្វើឡើងដោយអហិង្សា ដើម្បីឲ្យមានការផ្លាស់ប្តូរតាមរយៈការបោះឆ្នោតឡើងវិញ។