Cambodian Voter's Voice

គ.ជ.ប ប្រកាសការធ្វើប័ណ្ណអ្នកយកព័ត៌មាន នៃការបោះឆ្នោតក្រុមប្រឹក្សារាជធានី/ខេត្ដ ក្រុមប្រឹក្សា ក្រុង ស្រុក ខណ្ឌ អាណត្ដិទី ២

2014-03-14 11:36:00 4797 Views

គណៈកម្មាធិការជាតិរៀបចំការបោះឆ្នោត បានចេញសេចក្ដីជូនដំណឹងជូនដល់ អ្នកសារព័ត៌មានជាតិ និងអន្ដរជាតិ ដែលមានបំណងចូលរួម តាមដានយកព័ត៌មានពីដំណើរការ ការបោះឆ្នោតក្រុមប្រឹក្សារាជធានី/ខេត្ត/ក្រុង ក្រុមប្រឹក្សាស្រុក/ខណ្ឌ អាណត្តិទី ២ ដែលប្រព្រឹត្តទៅនៅថ្ងៃអាទិត្យ ទី ១៨ ខែឧសភា ឆ្នាំ២០១៤ មុខនេះ ស្ដីពីការសុំចុះឈ្មោះធ្វើជាអ្នកយកព័ត៌មាននៅកំឡុងពេលបោះឆ្នោតក្រុមប្រឹក្សា អាណត្តិទី ២។ សេចក្ដីជូនដំណឹងដដែលបន្ដថា ដើម្បីទទួលបានប័ណ្ណសម្គាល់ខ្លួន សម្រាប់អ្នកយកព័ត៌មានជាតិ ត្រូវដាក់ពាក្យសុំចុះឈ្មោះជាអ្នកយកព័ត៌មាន ភ្ជាប់ជាមួយបែបបទសម្រាប់សុំប័ណ្ណសម្គាល់ខ្លួនជាអ្នកយកព័ត៌មានមាន ផ្ដល់ជូននៅទីស្ដីការគ.ជ.ប (បន្ទប់B23) ចាប់ពីថ្ងៃជូនដំណឹងនេះ រហូតមុន ១០ថ្ងៃ នៃថ្ងៃបោះឆ្នោត។ ចំណែកឯអ្នកយកព័ត៌មានអន្ដរជាតិវិញ ត្រូវដាក់ពាក្យសុំចុះឈ្មោះ ជាអ្នកយកព័ត៌មាន ដាក់ពាក្យសុំជាមួយបែបបទសម្រាប់សុំប័ណ្ណសម្គាល់ខ្លួនជាអ្នកយកព័ត៌មានមានផ្ដល់ជូននៅទីស្ដីការគ.ជ.ប (បន្ទប់ B23) ចាប់ពីថ្ងៃជូនដំណឹង រហូត មុន៣ថ្ងៃ នៃថ្ងៃបោះឆ្នោត។ រាល់ពាក្យសុំចុះឈ្មោះជាអ្នកយកព័ត៌មានត្រូវបានផ្ដល់ជូនដោយឥតគិតថ្លៃ។