សម្លេងម្ចាស់ឆ្នោត​កម្ពុជា

ប្រភពពីមន្ត្រីអង្គការសិទ្ធិមនុស្សលីកាដូ បានឲ្យដឹងថា បេក្ខជនតំណាងរាស្ត្រ ៣រូប ដែលមានលោកស្រី មួរ សុខហួរ លោក ម៉ែន សុថាវរិន្ទ្រ និងលោក កែវ ភិរម្យ ត្រូវបានគេបញ្ជូនទៅកាន់ស្នងការនគរបាលក្រុងភ្នំពេញហើយ។ អ្នកគាំទ្របក្សសង្គ្រោះជាតិ ប្រមាណ ១ពាន់នាក់បានធ្វើការប្រមូលផ្ដុំគ្នានៅខាងមុខស្នងការក្រុង ហើយត្រូវបានប៉ូលិសដេញពួកគេទាំងនោះចេញពីមុខស្នងការដ្ឋាននគរបាល រាជធានី នៅរសៀលថ្ងៃទី១៥ កក្កដា នេះផងដែរ។
ចំណែកឯបេក្ខជនតំណាងរាស្ត្រ លោក ហូរ វ៉ាន់ ដែលបានតាមដានការចាប់ខ្លួននោះ ក៏ត្រូវបានគេអញ្ជើញឲ្យចូលខ្លួនក្នុងស្នងការនោះដែរ។ សូមបញ្ចាក់ថា ​​ការ​ប៉ះ​ទង្គិច​គ្នា​នៅ​ទី​លាន​ប្រជាធិបតេយ្យ​ខាង​ជើង​ស្ពាន​នាគ រវាង​ប្រជាពលរដ្ឋ​អ្នក​តស៊ូ​មតិ និង​សកម្មជន​គណបក្ស​សង្គ្រោះ​ជាតិ ជាមួយសន្តិសុខ មាន​អ្នក​របួស ៣១​នាក់ ក្នុង​​នោះ​ខាង​សន្តិសុខ​មាន​ចំនួន ១៧​នាក់ និង​ខាង​សកម្មជន​បក្ស​សង្គ្រោះ​ជាតិ ១៤​នាក់។ យោងតាមប្រភ័ពសារព័ត៌មានVOD