Cambodian Voter's Voice

ខួបគណបក្សប្រជាជនកម្ពុជា លើកទី៦៤ លោក ហ៊ុន សែន នៅតែបន្តវប្បធម៌សន្ទនាជាមួយបក្សប្រឆាំង

2015-06-29 10:28:00 4707 Views

ថ្លែងក្នុងសុន្ទរកថាខួបលើកទី៦៤នៃការបង្កើតគណបក្សប្រជាជនកម្ពុជា ថ្ងៃទី២៨ខែមិថុនា ដដែល លោកនាយករដ្ឋមន្ត្រី ហ៊ុន សែន និងជាប្រធានស្តីទីគណបក្សប្រជាជន លោក ហ៊ុន សែន បានរលឹកអំពីសមិទ្ធផលជាច្រើនដែលបង្ហាញថាគណបក្សដឹកនាំប្រទេសតាំងពីក្រោយការដួលរលំរបបខ្មែរក្រហមមកនេះសម្រេចបាន។

លោក ហ៊ុន សែន ថ្លែងដូច្នេះថា «គណបក្សប្រជាជនកម្ពុជាប្រកាន់ ជំហរយ៉ាងរឹងមាំក្នុងការថែរក្សាការពាររាល់សមិទ្ធផលនៃសង្គមជាតិ ជាពិសេសគឺសន្តិភាព និងស្ថិរភាពនយោបាយដេលជាសមិទ្ធផលដ៏ធំធេងមិនអាចកាត់ថ្លៃបាន។ យើងនឹងបន្តលើកកម្ពស់ វប្បធម៌សន្ទនា ជាមួយគណបក្សនយោបាយទាំងអស់ ដោយបញ្ចប់ការប្រឈមមុខគ្នា ក្នុងគោលបំណងធានាឲ្យបាននូវស្មារតីសាមគ្គីប្រជាជាតិទាំងមូល ធានានូវបរិយាកាសនយោបាយល្អ ប្រសើរប្រកបដោយស្ថិរភាព ក៏ដូចជាធានានូវការជឿទុកចិត្តរបស់អ្នកវិនិយោគទាំងក្នុង និងក្រៅប្រទេស»។

លោក ហ៊ុន សែន បញ្ជាក់ថា ក្នុងចំណោមស្នាដៃចុងក្រោយ របស់លោក ក៏មិនបានបំភ្លេច អំពីវប្បធម៌សន្ទនា ដែលលោកបានបង្កើតជាមួយលោក សម រង្ស៊ី ប្រធានគណបក្សសង្គ្រោះជាតិនោះឡើយ។ វប្បធម៌សន្ទនានេះត្រូវបានប្រធានគណបក្សកាន់អំណាច បញ្ជាក់ថា វាគឺជាផ្នែកមួយនៃនយោបាយសាមគ្គីប្រជាជាតិទាំងមូល។

លទ្ធផលនេះបានពីអ្នកសង្កេតការណ៍ដែលចម្លងចេញ ឬថតពីកំណត់ហេតុលទ្ធផលឆ្នោត ទ.១១០២