គណបក្សជាប់ឆ្នោតទាំងពីរបានចោទប្រកាន់គ្នាទៅវិញទៅមកថា មិនគោរពកិច្ចព្រមព្រៀងដំណោះស្រាយនយោបាយកាលពីថ្ងៃទី២២ ខែកក្កដា ឆ្នាំ២០១៤ ដែលធ្វើឲ្យស្ថានភាពនយោបាយចុងក្រោយប្រេះឆាគ្នានោះ។ទោះជាមានការចោទប្រកាន់គ្នាទៅវិញទៅមកបែបនេះក្ដី ប៉ុន្តែតំណាងគណបក្សទាំងពីរក៏ស្វះស្វែងជួបគ្នាដើម្បីវិលមករកតុចរចា ហើយបន្តប្រើប្រាស់វប្បធម៌សន្ទនា ដូចដែលគណបក្សទាំងពីរបានព្រមព្រៀងគ្នារួចហើយនោះ។លោក យ៉ែម បុញ្ញឫទ្ធិ មន្ត្រីនាំពាក្យគណបក្សសង្គ្រោះជាតិ ឲ្យដឹងកាលពីថ្ងៃទី២៦ ខែវិច្ឆិកា ថា តំណាងក្រុមភាគតិច និងភាគច្រើននៅរដ្ឋសភា នឹងជួបគ្នាដើម្បីជជែករកដំណោះស្រាយនយោបាយនៅដើមខែធ្នូ ខាងមុខ។