សម្លេងម្ចាស់ឆ្នោត​កម្ពុជា

 លោក ម៉ម សូណង់ដូ ប្រធានគណបក្សសំបុកឃ្មុំ សង្គមប្រជាធិបតេយ្យ កាលពីរសៀលថ្ងៃទី ៧ ខែ ធ្នូ ឆ្នាំ ២០១៥នេះបានថ្លែងថា គណបក្សរបស់លោក នឹងរៀបចំធ្វើសមាជវិសាមញ្ញ ជាថ្មីម្ដងទៀត នៅថ្ងៃសៅរ៍ ទី ១២ ខែ ធ្នូ ឆ្នាំ ២០១៥នៅទីស្ដីការគណបក្ស បន្ទាប់ពីសមាជលើកទី១ ថ្ងៃទី៩ កញ្ញា។តាមរយៈបទសម្ភាសន៍ រវាងលោក ម៉ម សូណង់ដូ ជាមួយលោក សយ សុភាព អគ្គនាយកមជ្ឈមណ្ឌលព័ត៌មាន ដើមអម្ពិលបានឲ្យដឹងថា  “គណបក្សសំបុកឃ្មុំសង្គម ប្រជាធិបតេយ្យ (គ.ស.ស.ប) នឹងធ្វើសមាជវិសាមញ្ញនៅថ្ងៃទី ១២ ខែ ធ្នូ ឆ្នាំ ២០១៥ ស្ដីពីការជ្រើសរើស គណៈកម្មាធិការអចិន្ត្រៃយ៍ ឡើងវិញ ធ្វើវិសោធនកម្មលក្ខន្តិកៈ ធ្វើវិសោធនកម្ម គោលនយោបាយ និងជ្រើសជ្រើសក្រុមប្រឹក្សាជាតិ បន្ថែមឲ្យគ្រប់ចំនួន៣៥០នាក់”។