ក្នុងកិច្ចប្រជុំលើសេចក្ដីព្រាងអនុក្រឹត្យ ស្ដីពីការដាក់ឲ្យអនុវត្តប្លង់គោលប្រើប្រាស់ដីរាជធានីភ្នំពេញ នាទីស្ដីការគណៈរដ្ឋមន្ត្រី នៅព្រឹកនេះ លោកនាយករដ្ឋមន្ត្រី ហ៊ុន សែន បានបញ្ជាឲ្យក្រសួងសេដ្ឋកិច្ច និងហិរញ្ញវត្ថុ និងស្ថាប័នមានសមត្ថកិច្ចពាក់ព័ន្ធចាត់វិធានការជាបន្ទាន់ នូវការកាត់ដីធ្លីណាដែលស្ថិតនៅក្នុងបញ្ជីសារពើភណ្ឌរបស់រដ្ឋ ដោយផ្ដល់នូវប័ណ្ណកម្មសិទ្ធិជូនប្រជាពលរដ្ឋ សម្រាប់ទីតាំងដែលពួកគេបានរស់នៅជាក់ស្តែង។ប្រមុខរដ្ឋាភិបាល បានបញ្ជាក់ថា ការកាត់ដីជូនប្រជាពលរដ្ឋទាំងអស់នោះ គឺជាឱកាសសម្រាប់ពួកគេ ដើម្បីទទួលបានការអភិវឌ្ឍ និងផលសេដ្ឋកិច្ចពេញលេញ។នេះបើតាមហ្វេសប៊ុករបស់អ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន ៕