តំណាងរាស្ត្រសំឡេងភាគតិចនៅក្នុងសភារបស់គណបក្សសង្គ្រោះជាតិ មិនទាន់សម្រេចចូលប្រជុំសភានៅឡើយទេ គិតត្រឹមថ្ងៃសៅរ៍នេះ បន្ទាប់ពីធ្វើពហិការមិនចូលប្រជុំសភាជិត២ខែមកនេះ បើទោះមានការណែនាំពីមេបក្សរបស់ខ្លួនពីក្រៅប្រទេស។កាលពីថ្ងៃពុធ ប្រធានគណបក្សសង្គ្រោះជាតិលោក សម រង្ស៊ី បានថ្លែងពីក្រៅប្រទេស តាមប្រព័ន្ធបច្ចេកវិទ្យា ណែនាំសមាជិករបស់ខ្លួននៅកម្ពុជាថា ប្រធាននិងអនុប្រធាន បានឯកភាពគ្នាឲ្យតំណាងរាស្ត្ររបស់គណបក្សនេះចូលរួមកិច្ចប្រជុំសភាដើម្បី ទទួលបានព័ត៌មានទាក់ទងនឹងតម្រូវការរបស់ពលរដ្ឋ និងសង្គមស៊ីវិល លើខ្លឹមសារច្បាប់នានា ដែលរដ្ឋសភាអនុម័តបើទោះបីខ្លួនមិនគាំទ្រក៏ដោយ។អ្នកនាំពាក្យ គណបក្សសង្គ្រោះជាតិ លោក យឹម សុវណ្ណ ឲ្យ ដឹងកាលពីថ្ងៃទី១២ ខែធ្នូនេះថា គណៈកម្មាធិការអចិន្ត្រៃបក្ស មិនទាន់កំណត់ថា ថ្ងៃណាពិតប្រាកដ តំណាងរាស្ត្រភាគតិចនឹងទៅចូលរួមប្រជុំសភាឡើងវិញនៅឡើយទេ។ប្រភពវីអូឌី(VOD)