សម្លេងម្ចាស់ឆ្នោត​កម្ពុជា

 ក្រោយពីអគ្គលេខាធិការ អង្គការសហប្រជាជាតិ (UN) លោក បាន គីមូន បានសម្តែងក្តីព្រួយបារម្ភ ពីបញ្ហាសិទ្ធិមនុស្ស និងសិទ្ធិបញ្ចេញមតិ នៅកម្ពុជានោះ  ត្រូវបានអ្នកនាំពាក្យ គណបក្សកាន់អំណាច លោក សុខ ឥសាន ថ្លែងតបទៅវិញថា ការបញ្ចេញមតិនៅកម្ពុជា មានលក្ខណៈខ្លាំង ​ពិសេសមានស្ដង់ដារជាងគេ ក្នុងពិភពលោក។ អ្នកនាំពាក្យគណបក្សប្រជាជនកម្ពុជា (CPP) បានលើកឡើងបែបនេះ បន្ទាប់ពី វិទ្យុ VOA បានចេញផ្សាយនៅថ្ងៃ១៦ កញ្ញា ថា លោក បាន គីមូន ​បានអំពាវនាវ ឲ្យមានការគោរពសិទ្ធិមនុស្ស នៅកម្ពុជា ខណៈដែលស្ថានការណ៍នយោបាយ កំពុងតានតឹងខ្លាំងនៅកម្ពុជា ដែលគេមើលឃើញថា មានការរិតត្បិតសិទ្ធិសេរីភាព បញ្ចេញមតិ និងព្រួយបារម្ភ ពីការរំលោភសិទ្ធិមនុស្ស ផងដែរ។ប្រភពដើមអម្ពិល